Mediamos entre todo tipo de proxectos expositivos e todo tipo de públicos. Traballamos habitualmente con visitas-obradoiro, visitas comentadas e dinamizadas, e campamentos artísticos, pero tamén organizamos charlas, contos con arte, concertos e xeramos material educativo. Asistimos na dinamización puntual de unha exposición temporal ou unha colección permanente, ademais de xestionar integramente o servizo educativo de calquera institución.

Novos recursos e propostas estimulantes en forma de obradoiros e teatralizacións para coñecer a arte, a historia, o inglés ou a literatura a través de experiencias vivenciais, fomentando a aprendizaxe significativa e transversal. Propoñemos actividades que espertan actitudes creativas e contribúen ao desenvolvemento intelectual de escolares e familias.

Novos recursos e propostas estimulantes en forma de obradoiros e teatralizacións para coñecer a arte, a historia, o inglés ou a literatura a través de experiencias vivenciais, fomentando a aprendizaxe significativa e transversal. Propoñemos actividades que espertan actitudes creativas e contribúen ao desenvolvemento intelectual de escolares e familias.

Os xacementos arqueolóxicos ou os enclaves urbanos agochan a nosa historia e a nosa identidade. Dinamizamos elementos patrimoniais coma estes a través de actividades educativas e itinerarios urbanos, ademais de elaborar estudos sobre territorio e cultura.

Preocúpanos o medio ambiente, a sociedade, a economía. É por iso que deseñamos e xestionamos eventos e programacións a partir destas temáticas empregando a cultura como ferramenta vehicular para concienciar e mover á acción. Conceptualización, deseño de programación, procura de patrocinios, organización e comunicación.

Organizamos e coordinamos exposicións, principalmente de fotografía contemporánea. Moitas destas mostras destacan por abordar temáticas sociais e de natureza. Deseñamos o programa de actividades educativas que dinamiza as exposicións. Consúltanos para coñecer o noso catálogo de exposicións dispoñibles.

Organizamos itinerarios de turismo cultural por Galicia para aqueles visitantes que desexen experiencias diferentes que lles permitan descubrir a historia, a gastronomía, a paisaxe, o patrimonio e a oferta cultural actual da nosa terra. Traballamos con grupos reducidos e as experiencias que ofrecemos caracterízanse pola súa calidade e por adaptárense aos intereses dos que nos visitan.