Visitas comentadas para turistas e poboación local que integran a arquitectura e a historia das cidades e as poñen en conexión coas coleccións museísticas. O Museo de Belas Artes da Coruña, en colaboración coa Oficina de Turismo da Xunta de Galicia, confiou a Crearte a execución destes itinerarios no verán do 2004.

Crearte formou parte do proxecto europeo TOI (Transfer of Innovation), Sigma 3C: Cultura, Competitividad y Creatividad entre o 2008-2010 como socio investigador a través da realización dun estudio sobre os recursos culturais como factor de desenvolvemento económico e cohesión social dos territorios europeos centrado na cidade da Coruña. Máis info aquí.

Crearte colabora co Colexio Oficial de Arquitectos de Galicia (COAG) realizando as visitas de Arquitectura e Cidade na Coruña do Proxecto Terra para escolares de Primaria e Secundaria. Estas visitas achegan aos escolares a arquitectura contemporánea a través da vivencia de espazos arquitectónicos en distintos puntos da cidade. Máis info http://proxectoterra.coag.es/

Crearte é responsable do programa de difusión deste poboado protohistórico pertencente á cultura castrexa localizado nas aforas da cidade da Coruña a través de visitas comentadas para todos os públicos e visitas escolares para todos os niveis educativos. Máis información e reservas aquí.